Neiegkeeten

Honnerte Mënsche setzen sech bei de Marches for Open Borders géint d’Grenzkontrolle bannent Europa an

Mat Aktiounen a Protestmärsch op zéng europäesche Grenzen hunn Honnerte Leit fir d’Beweegungsfräiheet an Europa a géint Grenzkontrolle bannent der EU protestéiert.

Fir Gläichberechtegung: Volt beim Equality March 2025

Den 12. Juli 2025 huet Volt Lëtzebuerg mat grousser Iwwerzeegung beim Equality March zu Esch-Uelzecht matgemaach, fir gemeinsam mat villen engagéierte Leit en Zeeche fir Vilfalt, Akzeptanz an d'Rechter vun LGBTQIA+ Persounen ze setzen. Fir eis ass et wichteg, sichtbar ze maachen, datt Gläichberechtegung a Respekt keng Saach fir ze verhandelen ass, mä de Grondpilier vun enger oppener a solidarescher Gesellschaft.

Jo zu oppene Grenzen : Happy Birthday Schengen!

Dëse Weekend gouf an der klenger, historescher Lëtzebuerger Gemeng de 40. Joresdag vum Schengener Ofkommes gefeiert. De 14. Juni 1985 gouf dëst Ofkommes op der „Princesse Marie-Astrid“ vu Vertrieder vun de fënnef EG-Memberlänner Frankräich, Däitschland, der Belsch, Holland a Lëtzebuerg ënnerschriwwen. An dësem Schengen-Raum sinn haut insgesamt 29 Länner.

Fraen an der Politik

Den 8. Mäerz war Weltfraendag a mir ware mat dobäi bei der Marche féministe. En Haaptuleies vu Volt ass de Problem, datt d'Politik ëmmer nach gréisstendeels vu Männer bestëmmt ass.

Volt Lëtzebuerg verléisst X/Twitter

Twitter war mol eng Kéier wéi eng Duerfplaz, en Treffpunkt fir Iddien an Erkenntnisser auszetauschen. Mä an deene leschte Joren ass eis Duerfplaz zu enger toxescher Plaz ginn: D’Algorithme vun X bidden der Desinformatioun, extremistesche Gedanken a Menace eng Bün. Et ass net méi agreabel do.

Volt Lëtzebuerg hat seng Assemblée Générale

E Samschdeg de Moien hat Volt Lëtzebuerg seng Assemblée Générale an der Stad. Et gouf ënnerem en neie Comité an nei Statute gestëmmt. Frou ware mer och iwwert de Besuch vu véier Memberen aus anere Volt-Kapitel.

Dem Trump seng Victoire: En Alarmzeeche fir eent vereentent Europa

No der Victoire vum Trump gesäit sech Europa mat ëmmer méi Nationalismus a Spléckung konfrontéiert. Volt fuerdert e vereentent, staarkt Europa, fir dës Erausfuerderung ze meeschteren an eng Zukunft vun der Zesummenaarbecht an der Solidaritéit opzebauen.

Schenge-Marsch: Europäesche Protest géint national Grenzkontrollen

Volt hat gëschter zu Schengem zum Marsch fir oppe Grenzen opgeruff an 250 Leit aus der Belsch, Däitschland, Frankräich, Lëtzebuerg an Holland si komm fir mat ze demonstréieren.

D'Visitt vum Poopst zu Lëtzebuerg

Volt Lëtzebuerg begréisst et, datt de Poopst François deemnächst op Lëtzebuerg kënnt a betount dobäi wéi wichteg d’Glawens- a Reliounsfräiheet ass. Gläichzäiteg wëlle mir awer och d’Geleeënheet notzen, fir op wichteg gesellschaftlech Froen an Erausfuerderungen opmierksam ze maachen, déi duerch dëse Besuch opgeworf ginn.

Statement zu den däitsche Grenzkontrollen

Däitschland huet alt nees Grenzkontrollen ugekënnegt, dës Kéier ouni grouss Virwarnung, ouni datt eppes Extraes geschitt wier, fir dëst ze rechtfertegen. Volt gesäit dat als héchst problematesch un a verurteelt et als en Ënnergruewe vum Schengener Ofkommes.

Kanner hunn e Recht op Opklärung

Zu Lëtzebuerg gouf eng Petitioun elo scho vun iwwer 7000 Leit ënnerschriwwen, déi sech ganz kloer géint LGBTQIA+ Mënsche riicht a Contenu iwwer Queerness an de Schoule verbidde wëll – esou eng Aart vun diskriminéierender Zensur ka Volt net toleréieren.

Volt trëtt der Fraktioun vun deene Gréngen/EFA am Europäeschen Parlament bäi

Déi fënnef gewielten Europadeputéiert vu Volt wäerte sech der Fraktioun vun deene Gréngen/EFA am Europäesche Parlament uschléissen. Dës Entscheedung gouf no zwou Woche vu Verhandlungen an engem Vote, bei deem alleguerten d‘Volt-Europa-Memberen aus alle Länner matwiele konnten, bekannt ginn. 💜💚

Eis Iwwerleeungen zu de Walresultater an eis Pläng fir d'Zukunft

Volt Lëtzebuerg erkennt un, dass eis lokal Resultater bei den EU-Wahlen zwar besser hätten ausfalen kënnen, mä mir sinn awer trotzdem optimistesch an houfreg op eis Leeschtung. Mir wëllen all deenen, déi un de Volt-Projet gleewen, vun Häerze Merci soen. Är Ënnerstëtzung an äre Glawen un eis Visioun sinn et, déi eis virubréngen.

Merci fir är Stëmmen!

D'Europawale sinn eriwwer. Volt konnt zwee Sëtz an Holland a ganzer dräi Sëtz an Däitschland sécheren. Och zu Lëtzebuerg ware mir bei de Wale mat dobäi an hunn insgesamt 1,04 % vun de Stëmme krut.

Philippe Schannes bei RTL fir „5 Froen un“

De Spëtzekandidat fir Volt Lëtzebuerg fir d'Europawalen 2024 war invitéiert bei RTL, fir iwwert déi kommend Walen an de Programm vu Volt ze schwätzen.

De Philippe Schannes an der Table Ronde zu den Europawalen op RTL

Gëschter Owend war de Philippe Schannes fir Volt Deel vun der grousser Table Ronde vun RTL, déi am Zesummenhang mat deene kommenden Europawalen organiséiert gouf.

🏳️‍🌈 Pride Month 2024: Eis Fuerderungen géint Diskriminéierung

Et ass Juni an et ass Pride-Month. Wärend mer engersäits feieren, si mer eis anerersäits bewosst, datt d'Rechter vun der LGBTQIA+ Community an Europa an ausserhalb nach ëmmer net op deem Niveau sinn, wéi mir dat gären hätten. Dowéinst hei eis Fuerderungen, déi mir am EU-Parlament ëmsetze wëllen.

De Samuel Moïse bei RTL an engem Debat mat jonke Kandidat*innen

An der Emissioun „Background“ vun RTL Radio war ënner anerem de Samuel Moïse mat dobäi, fir iwwert déi aktuell Positioun vu Volt an den Europawalen ze schwätzen.

D'Conny Jaroni beim Radio 100,7 iwwer kleng Parteien an den Europawalen

Déi kleng Ronn dréit sech em d'Fro: Wouhier hëllt een déi Motivatioun, Walkampf ze maachen, wann ee weess, datt et schwéier ass, e Sëtz ze kréien?

De Philippe Schannes an enger Table Ronde bei RTL Radio

An zwou Debatten hunn déi insgesamt 13 Parteien iwwert déi wichtegst Themen bei denn Europawalen debattéiert. Volt war an der zweeter Ronn och mat dobäi.

Volt klot bei der ALIA géint RTL wéinst ongläicher Behandlung an de Medien

Nodeems Volt Lëtzebuerg festgestallt huet, datt op den engleschen a franséische Säite vun RTL nëmmen e klénge Choix vun Artikele iwwert d'Europawale publizéiert gëtt, fuerdert Volt Lëtzebuerg eng fair Berichterstattung iwwert d'Europawalen duerch RTL.